საიტის აწყობა საკმაოდ კომპლექსური პროცესია, წარმოგიდგენთ თითოეულ ეტაპს და რჩევებს მათთან დაკავშირებით:

1. შემსრულებლის ძიება – მოიძიეთ რამდენიმე პოტენციური შემსრულებელი, გაეცანით მათ ნამუშევრებს და პირობებს, შემდგომ შეხვდით და გაესაუბრეთ, ეს ყველაფერი საკმარისი იქნება, თქვენთვის საუკეთესო შემსრულებლის მოსაძიებლად.

ჩვენი რჩევა: ყველაზე იაფი არ ნიშნავს საუკეთესოს, არც ყველაზე ძვირი ნიშნავს საუკეთესოს. შეარჩიეთ შემსრულებელი რამდენიმე კრიტერიუმის ერთობლიობით და არა ერთი კონკრეტულით.

2.ხელშეკრულების გაფორმება – აუცილებელია წერილობითი ხელშეკრულების გაფორმება, სადაც ნათლად ეწერება სამუშაოს მოცულობა და გადახდის პირობები. 

ჩვენი რჩევა: ასეთი ხელშეკრულების ყველაზე მნიშვნელოვანი კომპონენტია სამუშაოს აღწერა, რომელიც უნდა იყოს სრულყოფილი, შემოწმებადი და ნათელი ორივე მხარისთვის. 

3.სამუშაოს ჩაბარება – საიტზე მუშაობა დასრულდა, კმაყოფილი ხართ შედეგით, თუმცა არ უნდა დაგავიწყდეთ რამდენიმე საკითხის მოგვარება: ყველა იუზერის და პაროლის ჩაბარება და შეცვლა, საიტის ლიცენზიების (ასეთის არსებობისას) შემოწმება და მათი განახლების საკითხის გარკვევა, სხვა ტექნიკური საკითხების გარკვევა, რაც საიტის ფუნქციონირებისთვის იქნება აუცილებელი.

4. ტექნიკური უზრუნველყოფა – საიტი ჩაგბარდათ, რა ხდება შემდგომ? ნებისმიერ საიტს სჭირდება ტექნიკური უზრუნველყოფა, სხვადასხვა დოზით. ამიტომაც, ვებ-გვერდის ჩაბარებისთანავე აუცილებელია განსაზღვროთ პირი ვინც პასუხისმგებელი იქნება საიტის ადმინისტრირებაზე.

ჩვენი რჩევა: ტექნიკური უზრუნველყოფის საკითხი გადაწყვიტეთ მანამდე, სანამ საიტის დამზადებაზე შეუთანხმდებით შემსრულებელს, რადგან ყველაზე იაფი ვარიანტი იქნება მანვე განახორციელოს ეს მომსახურება, წინააღმდეგ შემთხვევაში შესაძლებელია, რომ მომავალში საკმაოდ ძვირი დაგიჯდეთ ამ საკითხის მოგვარება.